NEWS

Amerika Ivuga Ko ‘Amatora yo kuwa 17 Rusama ataciye mu muco’.

on

Inyuma y’aho umugwi ujejwe gutegura amatora mu Burundi utangarije ko EGO yatsinze mu matora yo guhinyanyura ibwirizwa shigiro, Departema ya Leta Zunze Ubumwe za Amerika zasohoye itangazo aho zivuga ko ‘amatora yo mu Burundfi yo guhinyanyura ibwirizwa shingiro ataciye mu muco’.

Iryo tangazo rigira riti: “Leta zunze ubumwe za Amerika zibona ko amatora mu Burundi yo guhinyanyura ibwirizwa shingiro ku wa 17 Rusama yaranzwemwo ukubura umuco, ukunumya ibinyamakuru hamwe no ukugerageza guhata abatora. Leta yararekuye ko abatavuga rumwe na leta bakora imyiyamazo yabo , ariko harabaye ibijanye n’uguhohotera cane abatavuga rumwe na leta mu mezi yatanguriye amatora maze bituma haba iterwa ubwoba. Ukubura abararorezi bigenga navyo nyene biratuma ivyavuye mu matora bitizerwa.

“Turabandanya turajwe ishinga ko ibwirizwa shingiro ryahinyanyuwe rizotuma haba ihindurwa ry’ibiringo vy’umukuru w’igihugu. Tukaba duhamagariye umugambwe uri ku butegetsi kwubahiriza ingingo ziri mu masezerano y’i Arusha, harimwo no kwubahirza ibiringo vy’umukuru w’igihugu. Ayandi mahinduka aza adahuza n’ingingo ziri mu maszerano y’i Arusha”.

Iryo tangazo ribandanya riti: “Turiyamirije twivuye inyuma ingingo ya leta[y’Uburundi] yo kwugara insamirizi za VOA na BBC. Iyi ngingo hamwe nzindi zitorohereza ibinyamakuru, uguhagarikwa mu kareganyo, imanza zicirwa abantu zikaze vyose vyerekana ko agateka ka zina muntu kabandanya gatituka mu Burundi. Duhamagarira leta y’Uburundi kwubahiriza uburenganzira bw’abanyagihugu bwo kutonka amakuru, ibikorane vya politike“.

Recommended for you