Mu kiganiro yahaye abanditsi n-abamenyeshamakuru ku bijanye n-ikibazo c-imishahara y-abakozi mw-ishirahamwe ONATEL hamwe n-intererano batagitangirwa mu mashirahamwe abavuza , Umushikiranganji wambere Alain-Guillaume Bunyoni yamenyesheje ko bitewe nuko aribo nyene vyavuyeko, Leta y-uburundi ntiyiteguye guha agashara abakozi b-ishirahamwe ryo gutumatumanako amakuru ONATEL bavuga ko baheraniwe k-amezi ane .
Alain-Guillaume Bunyoni yasiguye ko atawofata umukozi ngo amuhe amafaranga y-ibikoresho n-ayagahembo munyuma ngo agaruke umuhembe. Kubwiwe, bari bakwiye kuzana inyungu muri Leta.
Abakozi b-ishirahamwe ONATEL barahakana uruhara rwabo mu ngorane z-ishirahamwe ririko ricamwo, bakavuga ko uguhomba kwavuye kuri Leta itashoboye kubona iri mw-ihiganwa n-ayandi mashirahamwe mashasha. Ikindi ngo ayo mashirahamwe yagiriyeko atangura no gutwara abakozi bajejwe igisata c-ubuhinga bwa ONATEL kubera itarishoboye kubaha agashahara kisununuye .
Ishirahamwe ONATEL rikaba rifise abakozi barenga 400, bakaba baherutse kwugariza ibiro vya ONATEL basaba agashahara kabo k-amezi ane kangana ni imiriyari 10 z-amafaranga y-abamarundi harimwo n-ayandi mahera batatangiwe mu mashirahamwe ya INSS na MUTUEL.
