INTERNATIONAL NEWS

Abahinga ba ONU bavuga ko Koreya ya Ruguru ntiraheba umugambi wayo w’ibigwanisho ruhonyanganda.

on

Inyuma y’aho iperereza rya Amerika ritangarije ko igihugu ca koreya ya ruguru kitarahagarika umugambi wayo wo guhingura ibigwanisho ruhonyanganda, bu hoho abahinga ba ONU bamenyesheje ko ico gihugu ca Koreya ya Ruguru kikibandanya umugambi wayo w’ibigwanisho ruhonyanganda.

Abo bahinga ba ONU bakamenyesha ko Koreya ya Ruguru ikibandanya ihonyanga ingingo zafashwe ku bijanye n’ibihano ONU yafatiye ico gihugu kubera uguhingura ibigwanisho ruhonyanaganda mu kubandanya ihingurwa rya missiles zisika kure.

Icegeranyo c’abo bahinga ba ONU cashizwe ahaona na Associated Press(AP) kimenyesha ko Koreya ya Ruguru iguma igerageza kugurisha ibigwanisho ku bihugu vya Syria, Yemen, Sudan na Lybia. Ico cegeranyo kandi kikamenyesha ko koreya ya Ruguru yabandanije ikorana na Syria mu buryo ONU itemera.

Uwo mugwi w’abahinga ba ONU ukamenyesha ko ubandanaya ukora amatohoza kuri Koreya ya Ruguru ku bijanye n’umugambi wo kubandanya ishora ibigwanisho muri Aziya yo mu Buseruko na Afrika.

Ayo makuru yagiye ahabona akaba ashobora gusubira gutuma Leta Zunze Ubumwe za Amerika zirabana ayingwe kandi na Koreya ya Ruguru inyuma y’umubonano na Donald Trump.

Naho Trump yamenyesheje ko Koreya ya Ruguru itakiri akaga kuri Amerika, ntaco aravuga kuri ayo makuru yagiye ahabona ku vyerekeye Koreya ya Ruguru.

Recommended for you